Poach

頂樓隱藏著呢間港日家庭料理 位置鄰近旺角站．行2分鐘就到 天台戶外位置超舒適 嚟到一定要點「一汁三菜」 日本傳統日常家庭菜 「主食＋湯品＋三樣菜餚」 ✨大板燒風味黑胡椒烤雞塊 雞肉嫩滑多汁．底層係大板燒 加入黑胡椒令味道更豐富 ✨唐揚炸雞茶漬杞子飯 炸雞炸粉唔厚．炸完依然保留豐富肉汁 湯汁滲透每粒米飯之中 口感香軟濕潤 ✨伯爵茶麻糬傳統班戟 每日新鮮拌製麵粉．Pancake口感鬆軟 裡面仲有軟軟糯糯嘅麻糬 上面加上雲呢嗱雪糕球．香甜幼滑

很久沒來蟲二了，對上一次帶朋友來覺得食物水準下降了，但氣氛仍是很好的，所以今晚和朋友聚就再來試試，氣氛仍然很好，但2人火鍋套餐份量不太足夠，主打的一汁三菜款式似乎多年沒變，味道也下降，但朋友說雞不錯，還好沒讓她失望，飲品也不像最初的好，我點的梅酒抹茶，酒味不足茶味也不香，頗失望！如果沒試過又想找個好氣氛的地方仍然可以一試的！

【 令人回味的一汁三菜便當 】 🍱今日同老公拍拖，我哋去咗「蟲二 Poachh」食我好掛住嘅一汁三菜便當，上次同朋友嚟食完之後，就好念念不忘喇！💕蟲二的室內環境設計時尚，室外空中花園就夠晒靚同舒服，好啱一邊食飯一邊傾偈。 ⭐️推薦菜式: 主食：烤芝士漢堡扒伴海苔肉鬆 有2塊厚厚的漢堡扒，芝士烤漢堡扒口感幼嫩，肉質軟腍，調味啱啱好，加上烤芝士和特調燒汁，非常juicy。 主食：清酒醬燒鰻魚 原條鰻魚好厚肉，醬油味好香濃，有淡淡清酒香，鰻魚新鮮嫩滑，燒得啱啱好。 🍚店員教我哋把一半鰹魚昆布茶潰湯倒進穀米飯配以蟲二主菜進食，會令穀米飯更軟熟，口感更豐富。另外仲有「日本極上太白63 °c慢煮蛋」，雞蛋為半熟狀態，配合蟲二自家制蛋醬油，味道香幼濃郁，伴入穀米飯中，令米飯更香滑好味。 ☕️飲品我哋點了Latte和意大利香草密，香草蜜加了檸檬和蜜糖，好滋潤。

想不到原來旺角這裏有棟文青巿集，樓上居然全層都是這間餐廳的！有露天藤籃梳化又有舒服日式坐墊區，通風氣氛好，晚上露天位置超級浪漫。 天氣超冷又坐露天貪氣氛，於是點了一份暖暖的相撲鍋及一汁三菜飯餐。個人覺得肉丸肉餅烹煮得好食，首先相撲鍋有雞肉豆腐丸子、香菇娃娃菜、年糕福袋、蒟蒻麵和赤味噌醬油高湯慢煮蛋。蒟蒻麵芋絲質感，大大顆雞肉豆腐丸子質感鬆軟濃厚胡椒味，麵豉湯蔬菜湯底配大量健康蔬菜飽足感滿份。 然後是一汁三菜餐，非常豐富地有鰹魚昆布茶膏湯，配事日副菜醋酸爽牛蒡絲及63度慢煮蛋，加上主食烤芝士漢堡扒半海苔肉鬆、熱焙茶和日本穀米杞子醬油炊飯。其中芝士漢堡的芝麻與醬油芝士焦香又厚肉，配上脆脆肉鬆，啖啖肉感juicy好食。餐廳細心地附上了食用說明書，可自製湯泡飯的步驟說明。如果同桌食客都點這種飯餐的話更可免費加湯及飯，相當抵食。

幾年前曾經嚟過蟲二嗰度食鰻魚飯，今次想試吓其他菜式，近排天氣涼返少少，坐喺天台嘅位置都覺得幾chill 試咗餐廳主打嘅「一汁三菜」套餐，先試一口原味嘅杞子醬油飯，有淡淡杞子味，都幾養生，之後將清甜嘅高湯倒入飯中，味道即刻變得溫和豐滿，但係小菜就覺得比較酸。最正係將隻滑捋捋嘅慢煮日本蛋撈落飯度食飯，蛋味香濃 主菜嘅高麗菜卷好入味，菜葉比較脆身，包住嘅肉餡好鬆化，湯底出色，另外仲有好索汁既豆乾同埋煙靭嘅年糕福袋 另一款主菜大阪燒烤雞都唔錯，雞肉嫩滑 juicy。面頭掃咗層帶甜味嘅大阪燒醬汁，比較惹味，下面仲有一層薄餅，連埋雞一齊食，增加口感 飲品伯爵可可既伯爵茶嘅香味同可可嘅濃郁結合得幾好，朱古力味唔會太甜，突出返伯爵茶嘅味道

最近，我來到位於上海街618號頂樓嘅蟲二🌟，餐廳環境都別緻! 一入到去，餐廳嘅設計就吸引左我，簡約而不失時尚感，超級適合打卡📸！有indoor同埋outdoor嘅座位，仲窗外嘅城市景觀 ，真係令人覺得好chill好放鬆! 主菜：汁燒鮭魚鰭 ($150) 🐟✨ - 呢道主菜是必試的！😍 一汁三菜的設計讓我驚喜，經魚昆布茶高湯的湯底無比鮮美🤤。主菜的汁燒鮭魚鰭口感滑嫩，肉質鮮美，搭配日本穀米杞子醬油炊飯🍚，真的是一個完美的配搭！而且，還有蟲二的定期變化副菜，令開胃前菜更加特別！🎉 前菜：蛋黃醬玉子串 ($58) 🍳🍢 - 呢個玉子串一入口就讓我驚喜！濃濃嘅蛋黃醬，好好味！👍😍 甜品：桂花麻薯班戟 ($108) 🌸🥞 - 桂花麻薯班戟真係甜得啱啱好好，黃金桂花夠曬香🍬，清甜可口，仲有香蕉同埋雪糕，真係要推介比大家嘅甜品！ 飲品：櫻花忌廉草莓泡泡啤（無酒精） ($65) 🍹🌺 - 想要一杯少女心滿滿的飲品？呢杯櫻花忌廉草莓泡泡啤絕對不能錯過！色彩繽紛，微甜又有層次！打卡真係一流！🌈💕

喺旺角想搵個地方靜靜哋享受美食？呢間喺唐樓頂樓嘅 蟲二 絕對係首選！佢哋嘅「一汁三菜」套餐，由飯、湯到副菜都充滿心思！🔥 🍽️ 西京箱燒鯖魚： 鯖魚用西京味噌醃得好入味，燒到皮脆肉嫩，油脂感豐富得嚟又唔會覺得膩，配埋日本米飯真係無敵！🐟 🍽️ 烤芝士漢堡扒伴海苔肉鬆： 漢堡扒厚身多汁，面層嘅芝士烤到微焦，配埋海苔肉鬆增加咗脆口質感，口感超有層次！🧀 🍽️ 一汁三菜嘅靈魂食法： 跟住佢哋嘅「最佳食用步驟」：先食啖杞子醬油飯感受飯香，再倒一半高湯同副菜一齊食，之後加入慢煮蛋令飯底變得超Creamy，最後倒晒啲高湯配主菜，一碗飯四種層次，真心驚喜！🥚

旺角夜晚的隱世小確幸｜蟲二 Poach 🌙✨ 近排上咗旺角上海街618頂樓嘅蟲二 Poach，安靜得嚟帶少少日系小清新氣氛～室內暖黃燈光超柔和，好啱慢慢食嘢傾計💛；行出戶外就係超開揚天台位，夜風輕輕吹，氛圍感爆燈！🌃🍃 主打一汁三菜套餐（$150起），CP值高到爆表🔥！一套包括鰹魚昆布茶高湯、日本穀米杞子醬油炊飯、63°C慢煮蛋、副菜（酸甜薯仔絲超開胃😋），仲有6款主菜任揀～ 佢哋仲會教「最佳食法」，幾得意呀！😂 ✨ 先食一啖杞子醬油炊飯 ✨ 之後倒半碗鰹魚昆布高湯入飯，配副菜一齊食，瞬間變茶漬飯🍵 ✨ 拌入63°C慢煮蛋 + 自家蛋醬油，整碗變得好Creamy～🥚💕 ✨ 最後全倒湯拌主菜，四種層次一口氣玩晒！ ✨ 如果同枱都叫一汁三菜，仲可以免費添飯+加湯🍚🍲 私心推薦必試！🔥 烤芝士漢堡扒伴海苔肉鬆 🧀🍔 漢堡扒厚實超有誠意，肉汁爆多！面層微焦芝士 + 底部海苔肉鬆，鹹香脆口，層次超豐富，好正呀！！😍 清酒醬燒鰻魚 (+$15) 🐡🍶 原條上桌超霸氣！肉質厚實嫩滑，隱隱清酒香氣，絕對係撈飯神隊友～配飯一流！🍱 甜點必點：伯爵茶麻糬傳統班戟 ($108) 🍵🥞 紮實型（唔係空氣感），茶香超濃郁！中間藏煙韌黑糖麻糬，配冰涼雲呢拿雪糕，冷熱組合MVP，超級好味到喊！！❄️🔥 完全感受到餐廳有日式家庭料理嘅用心，食物質素高，環境又relax（尤其夜晚天台位超chill～），價錢合理，旺角難搵嘅慢活綠洲🌿💚 強烈推介畀想夜晚喺旺角放空、食日式定食又愛打卡嘅朋友們！📸